Ariketa fisikoa, osasuna eta bizi kalitatea (E-FIT)

Unitateak bizitza osoan zehar egiten den jarduera fisikoaren ondorioak aztertzen ditu, arreta berezia jarriz haurretatik hasi eta adineko pertsonetaraino doazen taldeetan. Hainbat egoera edo patologia lantzen ditugu —hala nola obesitatea, diabetesa, biriketako gaixotasun buxatzaile kronikoa (BGBK), bihotz-gutxiegitasuna eta osasun mentaleko arazoak—, eta ariketak horien prebentzioan eta tratamenduan nola eragin dezakeen aztertzen dugu. Horrez gain, zahartze osasungarria, ahultasuna, gainbehera kognitiboa eta erortzeko arriskua aztertzen ditugu, bizitzako etapa horietan bizi-kalitatea hobetzeko eta ongizatea sustatzeko estrategiak bilatuz. Gure helburua da ariketan oinarritutako esku-hartzeak babestuko dituen ezagutza zientifiko sendoa sortzea, eta, horren bidez, biztanleriaren osasunari eta ongizateari laguntzea.

Ikerketa-arloak:

• Ahultasuna eta zahartzearekin lotutako adierazle funtzionalak.
• Biomekanika eta mugimenduaren sistema neuromuskularra.
• Jarduera fisikoa eta bizimodu sedentarioarekin lotutako gaixotasunak: diabetesa, obesitatea, BGBK eta arrisku kardiobaskularra.
• Indar-entrenamendua eta erresistentzia kardiobaskularra: egokitzapen neuromuskularrak, kardiobaskularrak eta metabolikoak.
• Zahartzea, gainbehera kognitiboa eta jarduera fisikoa: orekaren, ibileraren eta muskulu-potentziaren ebaluazioa; ariketaren ondorioak.