Diputatuen Kongresuko Zientzia eta Teknologia Bulegoaren ekimena.
C Bulegoak C Astearen 1. Edizioa antolatzen du komunitate zientifikoaren eta Diputatuen arteko ezagutza-trukea sustatzeko. Kongresuko lehen parekatze programa da, non ikertzaileek Diputatuen lana bertatik bertara ezagutzeko aukera izango duten.
Hautatutako 10 ikertzaileek, 3 egun pasatuko dituzte 2022ko udazkenean, Madrilgo Diputatuen Kongresuan. Egonaldiak ikertzaileentzako aholkularitza programa bat izango du eta parlamentu-lana ezagutzeko saioak ere bai.
Deialdiaren helburuak:
- Diputatuen Kongresuaren funtzionamendua eta C Bulegoaren eginkizuna, parte hartzeei hurbiltzea.
- Diputatuek, Espainiako zientzia eta teknologia sektore publikoarekin duten lotura sustatzea.
- Diputatuen eta komunitate zientifikoen arteko elkarrizketa bide berriak garatzea.
Deialdia uztailaren 28ra arte egongo da zabalik edo 100 eskabideetara iritsi arte.
Deiari buruzko edozein zalantza edo iruzkinetarako, C Officerekin harremanetan jar zaitezke OficinaC@fecyt.es helbidean edo harremanetarako formularioaren bidez.
Deialdia zabalik dago, diziplina orotan doktore titulua eta gutxienez bi urteko esperientzia duten, ikerketa-karreraren edozein fasetan dauden ikertzaileendako, Espainiako erakunde publikoetan lanean ari diren eta aholkularitza zientifikorako eta komunikaziorako interesa duten ikertzaileendako.
Hautatutako ikerketa-langileen betebeharrak:
- Espainiako sektore publikoaren zientzia eta ikerketa arloarekin lotura izatea.
- Doktore titulua edo esperientzia frogagarri baliokidea izatea.
- Doktore titulua lortu ondoren, gutxienez 2urteko ikerketa esperientzia frogagarria izatea.
Baloratuko da:
- Esperientzia boluntarioa edo profesionala komunikazio edo dibulgazio zientifikoan.
- Esperientzia boluntarioa edo profesionala aholkularitza zientifikoan.
- Ikerketa-lanaren balioa eta eragina, akademiz kanpoko eragina barne.
- Komunikazio gaitasunak eta aholkularitza zientifikoa.
- Eragile ezberdinekin elkarreragiteko gaitasunak.
Ahalik eta parekatzerik onena bilatuz, hautaketa irizpide hauen arabera egingo da. Halaber, diziplina, genero, karrera zientifikoko etapa eta lan zentroaren banaketa egokia bermatuko da.
Hautaketa hau, C Bulegoko eta Aholku Batzordeko kideez osatutako lantalde batek burutuko du.
Eskaerak aurkezteko epea uztailaren 14tik uztailaren 28ra arte egongo da zabalik, 23:59etan edo 100 eskaera iritsi arte.
Eskaerak esteka honetan aurkez daitezke.