•   Roche Institutua Fundazioak antolatutako ekitaldiaren helburua estrategia komunak zehaztea eta sistema bidezkoago eta iraunkorrago baterantz aurrera egitea izan da.

Roche Institutua Fundazioak ordezkari politikoak eta osasun arloko adituak bildu ditu “Autonomia Erkidegoen arteko Doitasunezko Medikuntza Pertsonalizaturako Hurbilketa Koordinatua” jardunaldian; horien artean, Javier Gómez-Arrue Navarrabiomed-eko zuzendaria. Ekitaldiak estrategia komunak definitzeko eta Doitasunezko Medikuntza Pertsonalizatua ezartzeko topagune gisa balio izan du, osasun-sistema bidezkoagoa eta iraunkorragoa izan dadin.

Egun osoan zehar hainbat hitzaldi eta mahai-inguru egin dira izen bereko txostenaren aurkezpenaren inguruan. Txosten horren helburua da gomendioak ematea doitasunezko medikuntza pertsonalizatuaren arloan autonomia-erkidegoen artean hurbilketa koordinatua egiten laguntzeko, osasun-sistema osoan modu bateratu eta sinergikoan inplementatu ahal izateko. 

Javier Gómez-Arruek praktika klinikora eramateari, sistema digitalizatzeko beharrari eta ikerketa eta berrikuntza helburuekin datuak erabiltzeari buruzko mahai inguruan parte hartu du, Aragoiko Osasun Zientzien Institutuko Medikuntza Pertsonalizatuaren Arloko, Ezagutzaren Ekoizpenaren eta Berrikuntzaren Arloko eta Navarrabiomed-eko egungo zuzendari gisa izandako ibilbide eta esperientziaren arabera egindako balorazioen berri emateko. Zehazki, azaldu du premiazkoa dela informazioa estandarizatzea, elkarreragingarria eta datuen Europako esparruan eskuragarri egon dadin, indarrean dagoen araudi osoa betez, eta zentro anitzeko azterlan anbiziotsuagoak garatzeko eta ikerketarako eskuragarri dauden datuak zabaltzeko, ebidentzia sendoagoa sortze aldera. Gainera, diziplina arteko batzorde bat sortzeko proposamena babestu du, medikuntza pertsonalizatuak eta doitasunezkoak planteatzen dituen erronkei heltzeko gai izango dena eta osasun globala lortzeko lotutako beste arlo eta profil batzuk izan beharko dituena.

Berarekin batera, honako hauek ere parte hartu dute mahai-inguruan: María Isidoro, Salamancako Unibertsitateko Laguntza Guneko Analisi Kliniko eta Biokimika Klinikoko zerbitzuburua; Icíar Martínez, Balear Uharteetako Genetika eta Genomika Unitateko koordinatzailea; Joaquín Dopazo, Andaluziako Aurrerapen eta Osasun Fundazioko Medikuntza Konputazionaleko Plataformako zuzendaria; María Brión, Genoma Galicia eta Marina Pollán Proiektuko koordinatzailea, Karlos III.a Osasun Institutuko zuzendaria.
Jardunaldi honekin, Roche Institutua Fundazioak pazientea erdigunean jartzen duen osasun-sistema berritzaile eta jasangarri bat garatzen laguntzeko konpromisoa berresten du.
 
•    Ikusi jardunaldiko bideo guztiak.
•    Gobernantza, koordinaziorako funtsezko elementua.Javier Gómez-Arrueri egindako bideo-elkarrizketa.
•    Txostenari buruzko informazio gehiago eta dokumentu osoa.