Adimen artifiziala eta arrazoibide hurbildua

Adimen Artifizialeko eta Arrazoibide Hurbilduko Taldea (GIARA) 2002an sortu zuen Humberto Bustincek, Nafarroako Unibertsitate Publikoko katedradunak. GIARA diziplina anitzeko taldea da (fisikariek, matematikariek eta ingeniari informatiko zein industrialek osatua); ibilbide sendoa du, eta nazio mailan zein nazioartean eragin handia izan du. Taldearen lana arlo hauetan oinarritzen da: informazio-fusioaren, ziurgabetasunaren kudeaketaren eta multzo lausoen (eta horien hedapenen) azterketa teorikoa; baita eredu eta aplikazioen garapena ere, hala nola datu-meatzaritzan, Big Datan, irudien prozesamenduan, ikaskuntza sakonean eta neurozientzia konputazionalean, besteak beste.

Ikerketa-arloak:

• Teoria: informazio-fusioa, multzo lausoak eta horien hedapenak
• Erabaki-hartzea: irizpide anitzeko erabakiak, adostasuna, lehentasun-erlazioak, gomendio-sistemak
• Ikusmen artifiziala: irudien prozesamendua, handitzea/txikitzea, ertz-detekzioa, ikusmen estereoskopikoa
• Ikaskuntza automatikoa: sailkapena, arau lausoetan oinarritutako ereduak, multzo-ereduak (*ensemble*), ikaskuntza sakona (*Deep Learning*), *Big Data*